Basajaun Games Bilbon egoitza daukan bideojoko-garapen estudio indie bat da. Gure lanaren ardatza esperientzia berritzaileak sortzea eta gizarteak maiz aintzat hartzen ez dituen gaiak jorratzea da.

Nazioarteko talde bat gara, oinarri kultural eta fede anitzak dauzkaten taldekideez osatuta, eta mundu osoko lekuetatik elkarrekin lan egiten duena: Espainiatik, Australiatik, Italiatik, Uruguaitik, Japoniatik, Estatu Batuetatik eta Finlandiatik sakabanatuta gaude, besteak beste.

Hala ere, bihotzez euskal talde bat izateaz harro gaude, eta gogoz lan egiten dugu euskal kultura Euskal Herritik kanpo hedatzeko. Askotan aurkituko dituzue euskal erreferentziak gure lanetan: aizkolaritzaren presentzia eta jokoaren izenburu bera, adibidez.

Gure proiektuetan aktiboki lan egiten duten pertsona guztiez gain, dozenaka pertsonek haien laguntza ordainezina eskaintzen digute. Haiek aholkatzen eta laguntzen gaituzte, haien esperientziak gurekin partekatzen dituzte eta, hitz gutxitan, gure lana aberazten dute gure kabuz lorrezinak izango liratekeen hainbat modutan.

Jokoan agertzen diren arazo eta egoera sozial guztiak sakonki aztertu dira, eta adituen, erakundeen eta egoera horiek bizi duten pertsonen laguntzarekin idatzi dira, gai oro behar den seriotasun eta errespetuarekin jorratzeko asmoz.